Otsailaren
amaiera aldean, Kike Amonarriz soziolinguista etorri zitzaigun hitzaldi bat
ematera. Bertan, euskarak gaur egungo gizartean duen egoeraz hitz egin zigun.
Horretarako, gure ustez euskararen egoera zein eta zein mailatan kokatzen dugun
azaltzeko grafiko bat egin genuen. Entzuleen gehiengoak, maila baxuan jarri
zuen, baina azalpen batzuen bitartez, euskara grafiko horren maila altuenean
kokatzen zela konturatu ginen. Izan ere, erabilerari dagokionez, euskara ez
dugu maila onenetan kokatzen, baina beste hizkuntza txikiekin konparatuz,
euskara indar handia hartzen ari dela ikusten ari gara, beste hizkuntza
gutxituen eredu bilakatuz.
Horrez
gain, haurrek adinean gora egitean gaztelania gehiago hitz egiten dutela azaldu
zigun, baina baita honetan inguruaren eragina izugarria dela ere. Izan ere,
ingurua euskalduna bada edo euskara entzuten den ingurua bada, Ondarroa edo
Azpeitia adibidez, adinean gora egiteak ez du esan nahi euskararen erabilerak
behera egiten duenik. Horren arrazoia, gizartearen erabilera linguistikoa
imitatzen dela esaten da eta erabilera hori sustatzeko irakaskuntza
ezinbestekoa da.
Amaitzeko,
Kikek galdera bat planteatu zigun: norantz doa euskara, marjinaziorantz edo
normalizaziorantz? Berak esandako moduan, orain goazen bezala normalizaziorantz
bideratzen da, beti ere erabileran aurrera egiten badugu, ezagutzaren
paradigmatik erabileraren paradigmara igarotzea beharrezkoa baita.
Hitzaldia
orokorrean arina eta dibertigarria egin zitzaigun, modu dinamikoan azaldu
baitzuen guztia. Erabilitako ariketak oso baliagarriak eta deigarriak ziren eta
azaldu nahi zuena ulertzeko lagungarriak iruditu zitzaizkigun. Euskararen egoeraz
ohartzeko eta hau hobetzeko egin dezakegunaz hausnartzeko balio izan zigun eta
egia esan oso aberasgarria izan zen.
"Hizkuntza bat ez da galtzen ez dakitenek ikasten ez dutelako,
dakitenek hitz egiten ez dutelako baizik", Joxean Artze.
No hay comentarios:
Publicar un comentario